ആവേശമായി 
ആർ രാഹുൽ

തകഴി ​

ജില്ലാ പഞ്ചായത്ത് സ്ഥാനാർഥി ആർ രാഹുലിന്റെ സ്വീകരണ പര്യടനം കൈനകരി കാട്ടിച്ചിറയിൽ രാവിലെ ആരംഭിച്ചു. ഓരോ സ്വീകരണകേന്ദ്രത്തിലും നൂറുകണക്കിന് ബഹുജനങ്ങൾ ജാഥയെ വരവേറ്റു. സിപിഐഎം ജില്ലാ സെക്രട്ടറിയറ്റ് അംഗം കെ ആർ ഭഗീരഥൻ ഉദ്ഘാടനംചെയ്‌തു. 15 വാർഡിലെ വിവിധ കേന്ദ്രങ്ങളായ ഒന്നാംപാലം തോട്ടുവാത്തല, കന്നിട്ടപ്പറമ്പ് പാലം, കണ്ടുകൃഷി, കായൽചിറ ജെട്ടി, ഇ എം എസ് ജെട്ടി, പുഞ്ചിരി ജെട്ടി, നടുത്തുരുത്ത്, പാണ്ടിച്ചേരി, കുതവറച്ചിറ, കെ ആർ പാലം, ഭജനമഠം, വി ജി സുധാകരന്റെ വസതി, തോട്ടുകടവ് സ്‌കൂൾ എന്നിവിടങ്ങളിലെ സ്വീകരണത്തിനുശേഷം എട്ടാം വാർഡിൽപഴയ എസ്ബിഐ ബാങ്കിന് സമീപം സമാപിച്ചു. സമാപനസമ്മേളനം സിപിഐ എം ജില്ലാ കമ്മിറ്റി അംഗം സി കെ സദാശിവൻ ഉദ്ഘാടനംചെയ്‌തു. വിവിധ കേന്ദ്രങ്ങളിൽ പഞ്ചായത്ത്‌, ബ്ലോക്ക്‌ സ്ഥാനാർഥികളെ കൂടാതെ എൽഡിഎഫ്‌ നേതാക്കളായ കെ കെ ഷാജു, കെ എസ് അനിൽകുമാർ, സി ഷാംജി, എ ഡി കുഞ്ഞച്ചൻ, ബ്ലോക്ക്‌ ഡിവിഷൻ സ്ഥാനാർഥികൾ എസ് സുധിമോൻ, കെ ശശികുമാർ, കൊച്ചുമോൾ സുജിത്, പി ജെ സേവ്യർ തെരഞ്ഞെടുപ്പ് കമ്മിറ്റി സെക്രട്ടറി പി രതീശൻ, പഞ്ചായത്ത് പ്രസിഡന്റ്‌ എം സി പ്രസാദ്, കെ എ പ്രമോദ്, പി വി സുനോസ്, പി പി മനോഹരൻ എന്നിവർ സംസാരിച്ചു.