ചമയങ്ങളില്ലാതെ രഹൻ ജനമധ്യത്തിലേക്ക്‌

മണ്ണഞ്ചേരി

അനേകം സിനിമകളിൽ കഥാപാത്രങ്ങളുടെ മുഖംമിനുക്കിയ രഹൻ അശോകിന് ചമയം മാത്രമല്ല ജനസേവനവും വഴങ്ങും. മണ്ണഞ്ചേരി പഞ്ചായത്ത്‌ 23–ാം വാർഡിൽ എൽഡിഎഫ് സ്ഥാനാർഥിയായി മത്സരിക്കുകയാണ് ഇ‍ൗ 27 കാരൻ. നിരവധി സിനിമകളിൽ മേക്കപ്പ് അസിസ്‌റ്റന്റായി കഴിവ് തെളിയിച്ച രഹൻ ഇപ്പോൾ കലാഭവൻ ഷാജോണിന്റെ പേഴ്സണൽ മേക്കപ്പ്മാനാണ്. സംസ്ഥാന അവാർഡ് നേടിയ മേക്കപ്പ് ആർട്ടിസ്‌റ്റ്‌ റോണക-്‌സ്‌ സേവ്യറിന്റെ സഹായിയായും സ്വകാര്യ ചാനലിൽ മേക്കപ്പ്മാനായും പ്രവർത്തിച്ച രഹൻ ഹാസ്യസീരിയലുകളിൽ വേഷമിട്ടിട്ടുമുണ്ട്‌. ആസിഫ് അലി, ബിജുമേനോൻ എന്നിവരോടൊപ്പം തലവൻ സിനിമയിലും അഭിനയിക്കാനായി. എസ്എഫ്ഐ മാരാരിക്കുളം ഏരിയ പ്രസിഡന്റായും ജില്ലാ കമ്മിറ്റിയംഗമായും ഡിവൈഎഫ്ഐ മേഖലാ ജോയിന്റ് സെക്രട്ടറിയായും പ്രവർത്തിച്ചിട്ടുണ്ട്. മണ്ണഞ്ചേരി ശാസ-്താപറമ്പിൽ അശോക-്‌കുമാറിന്റെയും --രാധികയുടെയും മകനാണ്.