നിലംനികത്തലിനെതിരെ 
കെഎസ്‌കെടിയു പ്രതിഷേധം

ഹരിപ്പാട്

കർഷകത്തൊഴിലാളി യൂണിയന്റെയും സിപിഐഎം ഹരിപ്പാട് ടൗൺ സൗത്ത് ലോക്കൽ കമ്മിറ്റിയുടെയും നേതൃത്വത്തിൽ അനധികൃത നിലം നികത്തൽ കൊടികുത്തി തടഞ്ഞു. സ്വകാര്യവ്യക്തി സുരേഷ് ‌മാർക്കറ്റിന് വടക്കുവശത്ത് ഓടകൾ അടക്കം ഗ്രാവലിട്ട്‌ നികത്തുന്നത്‌ നിയമവിരുദ്‌ധമായാണെന്ന്‌ സി പി ഐ എം നേതാക്കൾ പറഞ്ഞു. വെള്ളപ്പൊക്ക ഭീഷണി നേരിടുന്ന നിലം നികത്തുന്നത് പ്രദേശവാസികളുടെ സഹായത്തോടെയാണ് തടഞ്ഞത്. കർഷക തൊഴിലാളി യൂണിയൻ ഏരിയ സെക്രട്ടറി ആർ ഗോപി, സിപിഐ എം ലോക്കൽ സെക്രട്ടറി ജെ രഘു, സി യശോധരൻ, ആർ പ്രകാശ് എന്നിവർ നേതൃത്വം നൽകി.