കെ കുഞ്ഞുപിള്ളയെ അനുസ്‌മരിച്ചു

മാവേലിക്കര
സിപിഐ എം ജില്ലാ സെക്രട്ടറിയറ്റംഗമായിരുന്ന കെ കുഞ്ഞുപിള്ളയുടെ 23– -ാം ചരമവാർഷികം ഭരണിക്കാവിൽ ആചരിച്ചു. സ്‌മൃതി മണ്ഡപത്തിലെ പുഷ്പാർച്ചനയ്ക്കുശേഷം ചേർന്ന അനുസ്മരണ യോഗം സിപിഐ എം ജില്ലാ കമ്മിറ്റി അംഗം കെ മധുസൂദനൻ ഉദ്‌ഘാടനം ചെയ്തു. ബി വിശ്വനാഥൻ അധ്യക്ഷനായി. ജി രമേശ്കുമാർ, എ എം ഹാഷിർ, എസ് അജോയ്‌കുമാർ ,എസ് കെ ദേവദാസ്, കെ ശശിധരൻ നായർ, എൻ വാസുദേവൻപിള്ള, പി മധു, വി കെ ഗോപി ,ബിന്ദു സുകു എന്നിവർ സംസാരിച്ചു.