മത്സ്യബന്ധന വള്ളം മറിഞ്ഞു

അമ്പലപ്പുഴ ​

മത്സ്യബന്ധനത്തിനിടെ വള്ളം മറിഞ്ഞു. വാടക്കൽ തെക്കേപ്പാലക്കൽ വീട്ടിൽ ജോസ് മോന്റെ ഉടമസ്ഥതയിലുള്ള തെക്കേപ്പാലക്കൽ എന്ന കോരുവള്ളമാണ് മറിഞ്ഞത്. തോട്ടപ്പള്ളി ഹാർബറിന് 4 കിലോമീറ്ററോളം പടിഞ്ഞാറ് വ്യാഴം പകൽ 12 ഓടെയായിരുന്നു സംഭവം. കൂറ്റൻ തിരമാലയിൽപ്പെട്ട് വള്ളം മറിയുകയായിരുന്നു. 25 ഓളം തൊഴിലാളികൾ ഈ സമയം വള്ളത്തിലുണ്ടായിരുന്നു. കാമറ, 3 എൻജിൻ, വയർലെസ്, ബാറ്ററി, റിങ് എന്നിവ നശിച്ചു. 150 ലിറ്ററോളം മണ്ണെണ്ണയും പെട്രോളും നഷ്ടമായി. വലയും കീറി നശിച്ചു. നിസാര പരിക്കേറ്റ് മറിഞ്ഞ വള്ളത്തിൽ പിടിച്ചു കിടന്ന തൊഴിലാളികളെ മറ്റൊരു വള്ളത്തിൽ കരയിലെത്തിക്കുകയായിരുന്നു. രണ്ട് ലക്ഷത്തോളം രൂപയുടെ നഷ്ടമുണ്ടായതായി ജോസ് മോൻ പറഞ്ഞു.