നൈപുണ്യയിൽ ‘വേന്പനാട്‌ ഡയലോഗ്‌’

ചേർത്തല

നൈപുണ്യ സ്‌കൂൾ ഓഫ് മാനേജ്മെന്റിൽ ബ്ലൂ ഇക്കോണമി ദ്വിദിന സിന്പോസിയം–വേമ്പനാട് ഡയലോഗ് 2026 ഡെപ്യൂട്ടി സ്‌പീക്കർ ഷാനിമോൾ ഉസ്‌മാൻ ഉദ്ഘാടനംചെയ്‌തു. എറണാകുളം അങ്കമാലി മേജർ അതിരൂപത വികാരി ജനറൽ മോൺ. ആന്റോ ചേരാന്തുരുത്തി അധ്യക്ഷനായി. ​പി പ്രസാദ് എംഎൽഎ, കോളേജ് പ്രിൻസിപ്പൽ ഫാ. ബെന്നി ജോൺ മാരാംപറമ്പിൽ, മുട്ടം സെന്റ് മേരീസ്‌ ഫൊറോന വികാരി ജോഷി വേഴപ്പറമ്പിൽ, നഗരസഭ കൗൺസിലർ എം സി ഷൈനത, കോളേജ് ഡീൻ ഡോ. അജയ് കൃഷ്‌ണൻ എന്നിവർ സംസാരിച്ചു. ​ബ്ലൂ ഇക്കോണമിയെ ആസ്‌പദമാക്കി ഗവേഷണ പ്രബന്ധങ്ങളുടെ സംഗ്രഹം ഉൾപ്പെടുത്തിയ ‘ബുക്ക്‌ ഓഫ് അബ്സ്ട്രാക്‌ട്‌സ്‌ ’ ഡെപ്യൂട്ടി സ്‌പീക്കർ പ്രകാശിപ്പിച്ചു. ഗവേഷകരുടെയും അധ്യാപകരുടെയും വിദ്യാർഥികളുടെയും പങ്കാളിത്തത്തോടെ ബ്ലൂ ഇക്കോണമിയുമായി ബന്ധപ്പെട്ട ആശയങ്ങളും ഗവേഷണ സാധ്യതകളും അവതരിപ്പിച്ചു.