തൊഴിലാളികൾക്ക്‌ ഐക്യദാർഢ്യവുമായി സിഐടിയു

ചേർത്തല

ഹരിയാന, യുപി സംസ്ഥാനങ്ങളിൽ അവകാശസമരം നടത്തുന്ന തൊഴിലാളികളെ അടിച്ചമർത്തുന്ന ബിജെപി സർക്കാരുകളുടെ നടപടിയിൽ പ്രതിഷേധിച്ചും പ്രക്ഷോഭകർക്ക്‌ ഐക്യദാർഢ്യം പ്രകടിപ്പിച്ചും സിഐടിയു നേതൃത്വത്തിൽ ചേർത്തലയിൽ പ്രകടനവും സമ്മേളനവും സംഘടിപ്പിച്ചു. ദേശീയ കൗൺസിലംഗം കെ പ്രസാദ്‌ ഉദ്‌ഘാടനംചെയ്‌തു. വി എ പരമേശ്വരൻ അധ്യക്ഷനായി. പി ഷാജിമോഹൻ സ്വാഗതംപറഞ്ഞു. കെ പി പ്രതാപൻ, എ എസ്‌ സാബു, കെ കെ ചന്ദ്രബാബു, നിർമല ശെൽവരാജ്‌, ബി ശ്രീകണ്‌ഠൻനായർ, കെ അജയൻ, ടി വി മണിയപ്പൻ, പി സോയിമോൻ, ബി ശ്രീലത, പി വിശ്വനാഥപിള്ള, പി എൻ സന്തോഷ് എന്നിവർ സംസാരിച്ചു.