അത്യാഹിതവിഭാഗം രോഗികളെ 
ഭീതിയിലാഴ്‌ത്തി ബിജെപി മാർച്ച്‌

ആലപ്പുഴ

ആരോഗ്യമന്ത്രി വീണാ ജോർജിന്റെ രാജി ആവശ്യപ്പെട്ട്​ ബിജെപി ആലപ്പുഴ ജനറൽ ആശുപത്രിയിലേക്ക്​ നടത്തിയ മാർച്ചിൽ അക്രമം. പൊലീസുമായുണ്ടായ ഉന്തിലും തള്ളിലും നേതാക്കൾക്ക്‌ പരിക്കേറ്റതായി ആരോപിച്ച്‌ പ്രവർത്തകർ ആശുപത്രിയുടെ അത്യാഹിത വിഭാഗത്തിന്‌ മുന്നിൽ മുദ്രാവാക്യം വിളികളുമായി കുത്തിയിരുന്നത്‌ രോഗികൾക്കും കൂട്ടിരിപ്പുകാർക്കും ബുദ്ധിമുട്ടായി. ബിജെപി ജില്ലാ കമ്മിറ്റി ഓഫീസിൽനിന്ന്​ ആരംഭിച്ച മാർച്ച്​ ജനറൽ ആശുപത്രിക്ക്​ മുന്നിൽ ബാരിക്കേഡ്​ ഉയർത്തി പൊലീസ്​ തടഞ്ഞു. ഇതോടെ വനിതാപ്രവർത്തകരടക്കം ബാരിക്കേഡിന്​ മുകളിലൂടെ ആശുപത്രി വളപ്പിൽ കടന്നു. ആശുപത്രിയുടെ പ്രവർത്തനങ്ങളെ ബാധിക്കുമെന്നായതോടെ ഇ​വരെ പൊലീസ്​ ബലംപ്രയോഗിച്ച്​ നീക്കാൻ ശ്രമിച്ചു. തുടർന്ന്​ വാക്കേറ്റവും തർക്കമുണ്ടായി. കൂടുതൽ പൊലീസെത്തി പ്രവർത്തക​​​​രെ വാഹനത്തിൽ കയറ്റിയതോടെ ഉന്തുംതള്ളുമായി. ഇതിനിടെ പരിക്കേറ്റ ബി​ജെപി നേതാവിനും യുവമോർച്ച പ്രവർത്തകനും ജനറൽ ആശുപത്രിയിൽതന്നെ ചികിത്സനൽകി. ബിജെപി മധ്യമേഖല പ്രസിഡന്റ്‌​ എൻ ഹരിയാണ്‌ മാർച്ച് ഉദ്ഘാടനംചെയ്‌തത്‌.