ലഹരിവിരുദ്ധ ബോധവൽക്കരണം

മങ്കൊമ്പ്

ചമ്പക്കുളം സെന്റ് മേരീസ് ഹയർസെക്കൻഡറി സ്‌കൂളിൽ സ്‌ക‍ൗട്ട്, ഗൈഡ്, എൻഎസ്എസ് യൂണിറ്റുകളുടെ ആഭിമുഖ്യത്തിൽ ലഹരിവിരുദ്ധ ബോധവൽക്കരണ ക്ലാസ് നടത്തി. താലൂക്ക് ലീഗൽ സർവീസ് കമ്മിറ്റിയുടെ സഹകരണത്തോടെയാണ് പരിപാടി സംഘടിപ്പിച്ചത്. രാമങ്കരി ഫസ്‌റ്റ്‌ ക്ലാസ് ജുഡീഷ്യൽ മജിസ്ട്രേട്ടും താലൂക്ക് ലീഗൽ സർവീസ് കമ്മിറ്റി ചെയർമാനുമായ പി അരുൺകുമാർ ഉദ്ഘാടനംചെയ്‌തു. ജിസി വി കറുകയിൽ അധ്യക്ഷനായി, റൂബി ജോസ്, ബാബു വർഗീസ്, റോസി സേവ്യർ, സുജാത ശ്രീകുമാർ, ബിജി വർഗീസ്, ശശിധരൻ എന്നിവർ സംസാരിച്ചു.