ഫ്രൂട്ട്സ് ചലഞ്ചുമായി അങ്കണവാടി കുരുന്നുകൾ

കണിച്ചുകുളങ്ങര

കനത്ത ചൂടിൽനിന്ന്‌ ആശ്വാസമേകാൻ മാരാരിക്കുളം വടക്ക് പഞ്ചായത്ത് രണ്ടാം വാർഡ് 22–ാം നമ്പർ അങ്കണവാടിയിൽ കുരുന്നുകൾക്ക് പഴവർഗങ്ങൾ നൽകുന്ന പദ്ധതിക്ക്‌ തുടക്കമായി. വാർഡിലെ സുമനസുകളാണ് ഓറഞ്ച്, മുന്തിരി, ആപ്പിൾ , മാമ്പഴം, തണ്ണിമത്തൻ, പേരയ-്‌ക്ക തുടങ്ങിയ പഴങ്ങൾ ഒന്നിടവിട്ട ദിവസങ്ങളിൽ എത്തിക്കുന്നത്. റിട്ട. അധ്യാപകൻ കെ കെ പുരുഷോത്തമൻ ഉദ്ഘാടനംചെയ്‌തു. പഞ്ചായത്തംഗം വി കെ കലേഷ്, അങ്കണവാടി വർക്കർ ജയശ്രീ, അധ്യാപകരായ ജോത്സ്‌ന, അഖില, ഹെൽപ്പർ രശ്‌മി, കുടുംബശ്രീ സിഡിഎസ് അംഗം രമണി, എഡിഎസ് സെക്രട്ടറി ശ്രീജ, പ്രസിഡന്റ്‌ സന്ധ്യ എന്നിവർ പങ്കെടുത്തു.