സഹായധനം കൈമാറി

ആലപ്പുഴ ​

മത്സ്യബന്ധനത്തിനിടെ കടലിൽ വീണ് മരിച്ച ഗൃഹനാഥന്റെ കുടുംബത്തിന് സഹായധനം കൈമാറി. ആലപ്പുഴ വാടക്കൽ കുരിശുപറമ്പിൽ സനീഷിന്റെ കുടുംബത്തിനാണ് മത്സ്യതൊഴിലാളി ക്ഷേമനിധി ബോർഡിൽനിന്നുള്ള 10 ലക്ഷം രൂപ വീട്ടിലെത്തി നൽകിയത്. അവകാശികളായ അമ്മ ബീനാകുമാരി, ഭാര്യ എസ് സ-്‌മിതമോൾ, മകൻ ദേവനന്ദൻ എന്നിവർക്കാണ് എച്ച് സലാം എംഎൽഎ സഹായധനം കൈമാറിയത്‌. വ്യക്തിഗത അപകട ഇൻഷുറൻസ് ആനുകൂല്യമായ 10 ലക്ഷംരൂപ നേരത്തെ കുടുംബത്തിന് നൽകിയിരുന്നു. മത്സ്യത്തൊഴിലാളി ക്ഷേമനിധി ബോർഡ് എക-സിക്യൂട്ടീവ് കുഞ്ഞച്ചൻ, ഫിഷറീസ് ഓഫീസർ പി എ അരുൺകുമാർ, ഷീന സജി, വി എസ് എബി, സിമി ജോസഫ്, സുധീറ്റ ഗോപി, തങ്കരാജ് എന്നിവർ ഒപ്പമുണ്ടായിരുന്നു.