ആഗ്​നേയ്​, ശ്രീലക്ഷ്​മി ജേതാക്കൾ

ചാരുംമൂട്

യുവജനക്ഷേമ ബോർഡിന്റെ ആഭിമുഖ്യത്തിൽ മാവേലിക്കര നിയോജകമണ്ഡലം ശാസ്​ത്ര ക്വിസ് ഭരണിക്കാവ് ബ്ലോക്ക് പഞ്ചായത്ത് ഹാളിൽ സംഘടിപ്പിച്ചു. 17 സ്​കൂളിൽനിന്ന്​ 34 വിദ്യാർഥികൾ പങ്കെടുത്തു. ജിവിഎച്ച്എസ് ചുനക്കര സ്​കൂളിലെ ആഗ്​നേയ് എം ശ്രീധർ, ബി ശ്രീലക്ഷ്​മി എന്നിവർ ഒന്നാംസ്ഥാനവും നൂറനാട് സിബിഎം സ്​കൂളിലെ ആയുഷ് ആർ കുമാർ, ജിതിൻ നാഥ് എന്നിവർ രണ്ടാം സ്ഥാനവും നേടി. മണ്ഡല അടിസ്ഥാനത്തിൽ വിജയിച്ചവർ ജില്ലാതലത്തിലും ജില്ലാതലത്തിൽ വിജയിക്കുന്ന ടീം സംസ്ഥാനതലത്തിലും മത്സരിക്കും. ഭരണിക്കാവ് ബ്ലോക്ക് പഞ്ചായത്ത് പ്രസിഡന്റ്​ എസ് രജനി ഉദ്ഘാടനംചെയ്​തു. ബിഡിഒ അജയകുമാർ വിജയികൾക്കുള്ള സമ്മാനം നൽകി. യുവജനക്ഷേമ ബോർഡ് യൂത്ത് കോ–ഓർഡിനേറ്റർ എസ് രാജേഷ് അധ്യക്ഷനായി. ധനുജ, യൂത്ത് കോ–ഓർഡിനേറ്റർമാരായ എസ് അഷ്​കർ, വിഷ്​ണു ഗോപിനാഥ് എന്നിവർ സംസാരിച്ചു.