5 വർഷം തടവ്‌; ശിക്ഷ കേട്ട്‌ ബോധരഹിതനായി പ്രതി

ആലപ്പുഴ

ഒമ്പത്‌ വയസുകാരിയോട്‌ ലൈംഗികാതിക്രമം നടത്തിയ പ്രതിക്ക്‌ അഞ്ചുവർഷം തടവും 20,000 രൂപ പിഴയും. ആര്യാട് തുമ്പോളി സ്വദേശി മൂത്തേടത്ത് വീട്ടിൽ മൊട്ടാപ്പ എന്നു വിളിക്കുന്ന ക്ലെമന്റി (59)നെയാണ്‌ ജില്ലാ പോക്‌സോ കോടതി ജഡ്‌ജി റോയി വർഗീസ് ശിക്ഷിച്ചത്. ആലപ്പുഴ നോർത്ത് പൊലീസ് ഇൻസ്‌പെക്‌ടർ ബി ഷെഫീക്കാണ് കേസ്‌ രജിസ്‌റ്റർ ചെയ്‌ത് അന്വേഷണം പൂർത്തിയാക്കി കുറ്റപത്രം സമർപ്പിച്ചത്‌. സ്‌പെഷ്യൽ പ്രോസിക്യൂട്ടർമാരായ എസ്‌ സീമ, എം എച്ച്‌ അബു എന്നിവർ ഹാജരായി. ശിക്ഷ കേട്ട് ബോധരഹിതനായ പ്രതിയെ ജില്ലാ ജനറൽ ആശുപത്രിയിലെത്തിച്ച്‌ അടിയന്തര ചികിത്സ നൽകി.