ഉല്ലല ബാബുവിന്‌ സ്‌മരണാഞ്‌ജലി

പിറവി സാഹിത്യവേദിയുടെ ഉല്ലല ബാബു അനുസ്‌മരണം മന്ത്രി പി പ്രസാദ്‌ ഉദ്‌ഘാടനംചെയ്യുന്നു

വെബ് ഡെസ്ക്

Published on Nov 30, 2025, 02:00 AM | 1 min read

ചേർത്തല

പിറവി സാഹിത്യവേദി ബാലസാഹിത്യകാരൻ ഉല്ലല ബാബുവിന്റെ ഒന്നാം ചരമവാർഷികം ആചരിച്ചു. മന്ത്രി പി പ്രസാദ് ഉദ്‌ഘാടനംചെയ്‌തു. ബാലസാഹിത്യകാരൻ ഡോ. കെ ശ്രീകുമാറിന്റെ ‘പെണ്ണായാലെന്താ’ കൃതിക്ക്‌ 10001 രൂപയും ഫലകവും പ്രശസ്‌തിപത്രവും അടങ്ങിയ പിറവി പുരസ്‌കാരം മന്ത്രി സമ്മാനിച്ചു. കുട്ടികൾക്കായി സംഘടിപ്പിച്ച കഥാരചന മത്സരവിജയികൾക്ക്‌ നഗരസഭ ചെയർപേഴ്‌സൺ ഷേർളി ഭാർഗവൻ സമ്മാനം വിതരണംചെയ്‌തു. വിശ്വംഭരൻ അധ്യക്ഷനായി. മുൻ വിവരാവകാശ കമീഷണർ കുര്യാക്കോസ് കുമ്പളക്കുഴി മുഖ്യപ്രഭാഷണം നടത്തി. ബാലസാഹിത്യകാരൻ വി എം രാജ്മോഹൻ ഉല്ലല ബാബു അനുസ്‌മരണപ്രഭാഷണം നടത്തി. നഗരസഭ വൈസ്‌ ചെയർമാൻ ടി എസ്‌ അജയകുമാർ, ക‍ൗൺസിലർമാരായ പി ഉണ്ണികൃഷ്‌ണൻ, എ അജി, സംഗീതനാടക അക്കാദമി ബോർഡംഗം ചേർത്തല രാജൻ, പൂച്ചാക്കൽ ഷാഹുൽ, ടി വി ഹരികുമാർ, മംഗളൻ തൈക്കൽ, കാവ്യദാസ് ചേർത്തല, കെ പി സുരേഷ്‌കുമാർ, അഞ്‌ജന കൃഷ്‌ണ, എം കെ പ്രസന്നൻ, ലീല രാമചന്ദ്രൻ, ബേബി തോമസ് ,വിജയൻ എരമല്ലൂർ എന്നിവർ സംസാരിച്ചു.