സ്‌കൂൾ പരിസരം 
ശുചീകരിക്കണമെന്ന്‌ രക്ഷിതാക്കൾ

ഹരിപ്പാട്

വൃത്തിഹീനമായ മംഗലം ഗവ. എൽപിഎസ്‌ പരിസരം ശുചീകരിക്കാത്തതിനെതിരെ രക്ഷിതാക്കൾ. സ്‌കൂൾ തുറക്കുന്നതിന്‌ മുമ്പ് പേരിനുമാത്രമാണ്‌ ശുചീകരണം നടത്തിയതെന്ന ആരോപണവുമുണ്ട്‌. ചുറ്റും വള്ളിപ്പടർപ്പുകൾ പടർന്നതോടെ ഇഴജന്തുക്കളുടെ സുരക്ഷിത ഇടമായി മതിലിന്റെയുൾപ്പെടെ പരിസരം മാറിയിട്ടുണ്ട്‌. കുരുന്നുകൾ സ്ഥിരം സഞ്ചരിക്കുന്ന പാതയിലെ മാലിന്യങ്ങൾ നീക്കാൻ അടിയന്തരനടപടി വേണമെന്ന്‌ രക്ഷിതാക്കൾ ആവശ്യപ്പെട്ടു.