ക്രിസ്‌മസ് – പുതുവത്സരാഘോഷവുമായി മിഷൻ

ചെങ്ങന്നൂർ

ചെങ്ങന്നൂർ മിഷൻ ചെങ്ങന്നൂരിന്റെ ആഭിമുഖ്യത്തിൽ മനുഷ്യ ക്രിസ്‌മസ് ട്രീയുടെ 11–ാമത്‌ വാർഷികവും ക്രിസ്‌മസ്- – പുതുവത്സര ആഘോഷവും സംഘടിപ്പിച്ചു. സാംസ്‌കാരികസമ്മേളനം മന്ത്രി വീണാ ജോർജ് ഉദ്ഘാടനംചെയ്‌തു. മന്ത്രി സജി ചെറിയാൻ അധ്യക്ഷനായി. മിഷൻ ചെങ്ങന്നൂർ ചെയർപേഴ്സൺ ശോഭന ജോർജ് മുഖ്യപ്രഭാഷണം നടത്തി. നടൻ ഷൈൻ ടോം ചാക്കോ മുഖ്യാതിഥിയായി. ഫോക്‌ലോർ അക്കാദമി ചെയർമാൻ ഒ എസ് ഉണ്ണികൃഷ്‌ണൻ, മിഷൻ ചെങ്ങന്നൂർ സെക്രട്ടറി സജി പാറപ്പുറം, വൈസ്‌പ്രസിഡന്റ്‌ ഹാരിസ് പാലമൂട്ടിൽ, അനിൽ പി ശ്രീരംഗം, വത്സമ്മ എബ്രഹാം, ബോധിനി പ്രഭാകരൻനായർ, പ്രതിപാൽ പുളിമൂട്ടടിൽ എന്നിവർ സംസാരിച്ചു. സൗജന്യ ഭക്ഷ്യകിറ്റുകൾ വിതരണംചെയ്‌തു. അമലു ശ്രീരംഗിന്റെ നൃത്തശിൽപ്പവും കരിമരുന്ന്‌ പ്രയോഗവും ഉണ്ടായിരുന്നു.