സർക്കാരിന് അഭിവാദ്യമർപ്പിച്ച് എഫ്എസ്ഇടിഒ

ആലപ്പുഴ

സർക്കാർ ജീവനക്കാരുടെയും അധ്യാപകരുടെയും പെൻഷൻകാരുടെയും ആരോഗ്യ ഇൻഷുറൻസ് പദ്ധതിയായ മെഡിസെപ് പദ്ധതി രണ്ടാംഘട്ടം നടപ്പാക്കാൻ തീരുമാനിച്ച എൽഡിഎഫ് സർക്കാരിന് അഭിവാദ്യമർപ്പിച്ച് എഫ്എസ്ഇടിഒയുടെ നേതൃത്വത്തിൽ പ്രകടനം നടത്തി. കലക്​ടറേറ്റിന്​ മുന്നിൽ നടന്ന യോഗം ജില്ലാ സെക്രട്ടറി സി സിലീഷ് ഉദ്ഘാടനംചെയ്​തു. കെഎസ്ടിഎ ജില്ലാ ജോയിന്റ്​ സെക്രട്ടറി ജിജോ ജോസഫ് അധ്യക്ഷനായി. ആലപ്പുഴ മിനി സിവിൽ സ്റ്റേഷനിൽ എൻജിഒ യൂണിയൻ സംസ്ഥാന കമ്മിറ്റിയംഗം ബി സന്തോഷ്, കുട്ടനാട് എൻജിഒ യൂണിയൻ സംസ്ഥാന കമ്മിറ്റിയംഗം ബൈജു പ്രസാദ്, മെഡിക്കൽ കോളേജിൽ സി സി നയനൻ, ചേർത്തലയിൽ ടി ജെ അജിത്, ഹരിപ്പാട് ആർ സുശീലാദേവി, മാവേലിക്കരയിൽ ആർ രാജീവ്, കായംകുളത്ത് അജിത് എസ് ചന്ദ്രൻ, ചെങ്ങന്നൂരിൽ രമേശ് ചന്ദ്രൻ എന്നിവർ ഉദ്ഘാടനംചെയ്​തു.