പ്രോഗ്രസ്‌ റിപ്പോർട്ടുമായി വികസന സദസ്‌

ഹരിപ്പാട്

കരുവാറ്റ പഞ്ചായത്ത്‌ കുമാരപുരം ഗവ. എൽ പി സ്കൂളിൽ സംഘടിപ്പിച്ച വികസന സദസ് ബ്ലോക്ക് പഞ്ചായത്ത് പ്രസിഡന്റ് രുഗ്മിണി രാജു ഉദ്ഘാടനംചെയ്തു. സർക്കാരിന്റെ വികസന-ക്ഷേമ പ്രവർത്തനങ്ങളും പഞ്ചായത്തിന്റെ പ്രോഗ്രസ്സ് റിപ്പോർട്ടും അവതരിപ്പിച്ചു. ‘അഴകോടെ കരുവാറ്റ - സമർപ്പിത ജനത' എന്ന പേരിൽ മാലിന്യമുക്ത നവകേരളം കാമ്പയിനിലൂടെ ഹരിതകർമസേനയുടെ പ്രവർത്തനം ശക്തിപ്പെടുത്തി. ഏഴ് കുടിവെള്ള പദ്ധതികളിൽ അഞ്ചെണ്ണം പൂർത്തീകരിച്ചു. ലൈഫ്പട്ടികയിൽ ഉൾപ്പെട്ടവർക്ക് വീട് നൽകുന്ന പദ്ധതികൾ പുരോഗമിക്കുന്നു ​കാർഷിക മേഖലയിൽ ഇടവിള, പൂക്കൾ, വാഴ, എള്ള്, പച്ചക്കറി എന്നിവ തുടർച്ചയായി കൃഷിചെയ്യുന്നു. കുടുംബാരോഗ്യ കേന്ദ്രം, ആയുർവേദ ആശുപത്രി, ഹോമിയോ ആശുപത്രി എന്നിവിടങ്ങളിലൂടെ മികവുറ്റ ചികിത്സ ഉറപ്പുവരുത്തും. കിടപ്പുരോഗികളെ വീടുകൾ സന്ദർശിച്ച് പരിചരിക്കുന്ന പദ്ധതി വിപുലീകരിക്കും. ​ പഞ്ചായത്ത് വൈസ് പ്രസിഡന്റ്‌ ടി പൊന്നമ്മ അധ്യക്ഷയായി. ജില്ലാ പഞ്ചായത്ത് സ്ഥിരംസമിതി അധ്യക്ഷൻ ടി എസ് താഹ പ്രോഗ്രസ്‌ റിപ്പോർട്ട് ആസൂത്രണ സമിതി ഉപാധ്യക്ഷൻ കെ രംഗനാഥക്കുറുപ്പിന്‌ കൈമാറി. റിസോഴ്സ് പേഴ്സൺ യു കെ റോണി സംസ്ഥാന സർക്കാരിന്റെയും പഞ്ചായത്ത് സെക്രട്ടറി പി ഹരിദാസ് പഞ്ചായത്തിന്റെയും നേട്ടങ്ങൾ അവതരിപ്പിച്ചു. മുൻ പഞ്ചായത്ത്‌ പ്രസിഡന്റ്‌ എസ് സുരേഷ് ഓപ്പൺ ഫോറം നയിച്ചു. ​ അനുമോദനവും 
തൊഴിൽ മേളയും വികസന പ്രവർത്തനങ്ങൾക്ക് സ്ഥലം വിട്ടുനൽകിയവർ, പ്രതിഭകൾ, ആശാ പ്രവർത്തകർ, ഹരിതകർമ സേനാംഗങ്ങൾ എന്നിവരെ ആദരിച്ചു. വിജ്ഞാന കേരളം തൊഴിൽമേളയിൽ 123 പേർ പങ്കെടുത്തു. ബ്ലോക്ക് സ്ഥിരംസമിതി അധ്യക്ഷൻ എം എം അനസ് അലി, കാർത്തികപ്പള്ളി പഞ്ചായത്ത്‌ പ്രസിഡന്റ്‌ ഗിരിജ ഭായ്, കരുവാറ്റ പഞ്ചായത്ത്‌ സ്ഥിരംസമിതി അധ്യക്ഷരായ ടി മോഹൻകുമാർ, ഷീബ ഓമനക്കുട്ടൻ, പഞ്ചായത്തംഗങ്ങളായ കെ ആർ പുഷ്പ, എസ് അനിത, സിഡിഎസ് ചെയർപേഴ്സൺ എം ആർ രാജി, പഞ്ചായത്ത് ജോയിന്റ് സെക്രട്ടറി എ എൽ ലീജ തുടങ്ങിയവർ പങ്കെടുത്തു.