കാൻസർ നിർണയ ക്യാമ്പ്

ചാരുംമൂട്

നൂറനാട് പടനിലം പരബ്രഹ്മക്ഷേത്ര ഭരണസമിതയുടെയും, കല്ലൂർ ആർസിസിയുടെയും നേതൃത്വത്തിൽ സൗജന്യ കാൻസർ നിർണയ ക്യാമ്പ് നടന്നു. കല്ലൂർ റീജണൽ കാൻസർ സെന്റർ മെഡിക്കൽ ഓഫീസർ ഡോ. ലത ഉദ്ഘാടനംചെയ്‌തു. ക്ഷേത്ര ഭരണസമിതി പ്രസിഡന്റ് രാധാകൃഷ്‌ണൻ രാധാലയം അധ്യക്ഷനായി. സെക്രട്ടറി കെ രമേശ്‌, ജോയിന്റ് സെക്രട്ടറി സി വേണുഗോപാലകുറുപ്പ്, ക്ഷേത്രകാര്യ കമ്മിറ്റി കൺവീനർ എസ്‌ വിഷ്‌ണു എന്നിവർ സംസാരിച്ചു. മെഡിക്കൽ ഓഫീസർ ജസീന, ഹെൽത്ത് ഇൻസ്‌പെക്‌ടർ ശരത്ചന്ദ്രൻ, പുഷ്‌പകുമാരി, ജെഎച്ച്ഐ ഇ വി പ്രമോദ്, ജീവനക്കാർ എന്നിവർ നേതൃത്വം നൽകി.