കേക്ക് നിർമാണ പരിശീലനം നൽകി

മാവേലിക്കര

സമഗ്രശിക്ഷാ കേരളം മാവേലിക്കര ബിആർസിയുടെ ആഭിമുഖ്യത്തിൽ കണ്ടിയൂർ ഗവ. യുപിഎസ് ക്രിയേറ്റീവ് കോർണറിൽ ഭിന്നശേഷി വാരാചരണത്തിന്റെ ഭാഗമായി രക്ഷകർത്താക്കൾക്കും കുട്ടികൾക്കും കേക്ക് നിർമാണ പരിശീലനം നൽകി. മാവേലിക്കര ബിപിസി സി ജ്യോതികുമാർ ഉദ്ഘാടനംചെയ്‌തു. മെറിൻ സൂസൻ ജോൺ പരിശീലന ക്ലാസ് നയിച്ചു. സ്‌കൂൾ പ്രഥമാധ്യാപികയുടെ ചുമതല വഹിക്കുന്ന ശ്രീജ അധ്യക്ഷയായി. ബിആർസി പരിശീലകൻ ജി സജീഷ്, സിആർസി കോ–ഓർഡിനേറ്റർ രമ്യ, സ്‌കൂൾ ക്രിയേറ്റീവ് കോർണർ ചുമതലയുള്ള ലിജി, കെ അമ്പിളിക്കല, മാലു വസന്തൻ എന്നിവർ സംസാരിച്ചു.