കാസർകോട്‌ ജില്ലാക്കോടതി ടീം ജേതാക്കൾ

മാരാരിക്കുളം
ആലപ്പുഴ ജുഡീഷ്യൽ ക്രിക്കറ്റ്‌ ടീം സംഘടിപ്പിച്ച പ്രഥമ അഡ്വ. ജെയിംസ് ചാക്കോ മെമ്മോറിയൽ എവർ റോളിങ് ട്രോഫി ക്രിക്കറ്റ്‌ ടൂർണമെന്റിൽ കാസർകോട്‌ ജില്ലാക്കോടതി ടീം ജേതാക്കളായി. കലവൂർ ലിമിറ്റ്‌ലെസ് സ്‌പോർട്സ് ഹബ്ബിൽ സംഘടിപ്പിച്ച മത്സരത്തിൽ ഹൈക്കോടതി ലീഗൽ ടൈറ്റൻസ് ടീമിനെയാണ് കാസർകോട്‌ പരാജയപ്പെടുത്തിയത്. സിപിഐ എം മുഹമ്മ ലോക്കൽ കമ്മിറ്റിയംഗവും മുഹമ്മ പഞ്ചായത്ത്‌ വൈസ്‌പ്രസിഡന്റുമായിരുന്നു അഡ്വ. ജെയിംസ് ചാക്കോ. വിജയികൾക്ക് ആലപ്പുഴ പ്രിൻസിപ്പൽ ജില്ലാ ജഡ്‌ജി ഹണി എം വർഗീസ് ട്രോഫികളും അഡ്വ. ജെയിംസ് ചാക്കോയുടെ ഭാര്യ കൊച്ചുത്രേസ്യ ജെയിംസ് ക്യാഷ് അവാർഡുകളും വിതരണംചെയ്‌തു.