അരീപ്പറന്പിൽ തെരുവ്‌ കീഴടക്കി 
നായക്കൂട്ടം

ചേർത്തല

ചേർത്തല തെക്ക്‌ പഞ്ചായത്തിലെ പ്രധാനകേന്ദ്രമായ അരീപ്പറന്പിൽ തെരുവുനായ ശല്യം രൂക്ഷം. അന്പതോളം നായ്‌ക്കളാണ്‌ അരീപ്പറന്പ്‌ ഷാപ്പുകവലയ്‌ക്കും സുകൃതം കൺവൻഷൻ സെന്ററിനും ഇടയിൽ കേന്ദ്രീകരിക്കുന്നത്‌. ചേർത്തല തെക്ക്‌ ഗവ. ഹയർസെക്കൻഡറി സ്‌കൂൾ പരിസരവും നായയുടെ താവളമായി. ​അരീപ്പറന്പ്‌ ജങ്‌ഷന്‌ സമീപം കൂട്ടത്തോടെ തന്പടിക്കുന്ന നായകൾ രാത്രി ആക്രമണകാരികളാകുന്നതായി നാട്ടുകാർ പറഞ്ഞു. കാർ ഉൾപ്പെടെ വാഹനങ്ങൾക്ക്‌ പിന്നാലെ കൂട്ടമായി ഉഗ്രശബ്‌ദത്തിൽ കുരച്ച്‌ ഓടുന്നത്‌ പതിവായി. ഡ്രൈവർമാർ ഭയപ്പെട്ടാണ്‌ അരീപ്പറന്പ്‌ കടക്കുന്നത്‌. അനുദിനം നായയുടെ എണ്ണം വർധിക്കുകയാണ്‌. മറ്റിടങ്ങളിൽനിന്ന്‌ പിടികൂടി എബിസി കേന്ദ്രത്തിൽ വന്ധ്യംകരണശേഷം അരീപ്പറന്പിൽ ഇറക്കിവിടുന്നതാണ്‌ അനുദിനം എണ്ണം വർധിക്കാൻ കാരണമെന്ന ആക്ഷേപമുണ്ട്‌. വിദ്യാർഥികൾ ഭയത്തോടെയാണ്‌ സ്‌കൂളിലേക്ക്‌ എത്തുന്നതും തിരിച്ചുപോകുന്നതും. നായശല്യം ഒഴിവാക്കാൻ പഞ്ചായത്ത്‌ നടപടി സ്വീകരിക്കണമെന്നാണ്‌ നാട്ടുകാരുടെ ആവശ്യം.