മലയാറ്റൂർ കുരിശുമുടിയിലും 
കാട്ടാനക്കൂട്ടം

കാലടി

അന്തർദേശീയ തീർഥാടനകേന്ദ്രമായ മലയാറ്റൂർ കുരിശുമുടിയിലും കാട്ടാനക്കൂട്ടം. കുരിശുമുടിയുടെ മുകളിൽ ശനി വൈകിട്ടാണ് ആനക്കൂട്ടമിറങ്ങിയത്‌.

വെള്ളി രാവിലെ കുരിശുമുടിയിലും താഴെപ്പള്ളിയിലും ദുക്റാനോ തിരുനാൾ ആഘോഷിച്ചിരുന്നു. തിരുനാളിന് ആയിരങ്ങളാണ്‌ പങ്കെടുത്തത്‌. മലയാറ്റൂർ, അയ്യമ്പുഴ പഞ്ചായത്തുകളിൽ കാട്ടാനകളുടെ ആക്രമണം നിത്യസംഭവമായിട്ടുണ്ട്‌. ഒരുമാസം അതിരപ്പിള്ളി പഞ്ചായത്തിൽനിന്ന്‌ അമ്പതിൽപ്പരം ആനകളെ വനപാലകർ അയ്യമ്പുഴ പഞ്ചായത്തിലേക്ക് തുരത്തിയിരുന്നു.