തണ്ണീർച്ചാല്‍ പാർക്ക്‌ 
പുനരുദ്ധാരണം തുടങ്ങി

തൃപ്പൂണിത്തുറ

നഗരസഭയുടെ ഉടമസ്ഥതയിലുള്ള തണ്ണീർച്ചാല്‍ പാർക്കിന്റെ പുനരുദ്ധാരണപ്രവർത്തനങ്ങൾ തുടങ്ങി. മേയർ എം അനില്‍കുമാർ ഉദ്ഘാടനം ചെയ്തു. നഗരസഭ ചെയർപേഴ്സൺ രമ സന്തോഷ് അധ്യക്ഷയായി. വൈസ് ചെയർമാൻ കെ കെ പ്രദീപ് കുമാർ, ജയ പരമേശ്വരന്‍, ദീപ്തി സുമേഷ്, സി എ ബെന്നി, രൂപ രാജു, എ ആർ രാജലക്ഷ്‌മി, കെ വി സാജു തുടങ്ങിയവർ സംസാരിച്ചു. അമൃത് പദ്ധതിയുടെ ഭാഗമായി 75 ലക്ഷം രൂപയും ജിസിഡിഎ പ്രത്യേകമായി അനുവദിച്ച ഒരുകോടി രൂപയും ഉപയോഗിച്ചാണ് പുനരുദ്ധാരണപ്രവൃത്തികള്‍ നടത്തുന്നത്.