ഓണച്ചന്തയുമായി സ്വാശ്രയ കർഷകസമിതി

നെടുമ്പാശേരി

വെജിറ്റബിൾ ആൻഡ് ഫ്രൂട്ട് പ്രമോഷൻ കൗൺസിലിന് കീഴിലുള്ള കുന്നുകര സ്വാശ്രയ കർഷകസമിതിയുടെ ഓണം പച്ചക്കറിച്ചന്ത കുന്നുകര ജങ്‌ഷനിൽ പഞ്ചായത്ത് പ്രസിഡന്റ്‌ ഗീത കൃഷ്ണൻ ഉദ്ഘാടനം ചെയ്തു.

സി വി ബിജീഷ്, എൽ എ മോഹനൻ, ആർ അനിൽ, ഡോ. നീരജ പുതിയമഠം, ജി ആർ അനിൽകുമാർ, എസ് മഞ്ജുഷ എന്നിവർ സംസാരിച്ചു. കർഷകരിൽനിന്ന് വിപണിവിലയേക്കാൾ 10 ശതമാനം കൂടുതൽ തുക കൊടുത്ത് ശേഖരിക്കുന്ന പച്ചക്കറി 30 ശതമാനംവരെ വിലക്കുറവിലാണ് ഓണച്ചന്തയിൽ ലഭ്യമാക്കുന്നത്.