ലൈൻമാൻ ടി കെ നസീറിന് ദേശീയ പുരസ്കാരം

ആലുവ

കെഎസ്ഇബി ആലുവ ടൗൺ സെക്‌ഷനിലെ ലൈൻമാൻ ടി കെ നസീറിന് ദേശീയ പുരസ്കാരം.

കേന്ദ്ര ഊർജ മന്ത്രാലയത്തിന്റെ സെൻട്രൽ ഇലക്ട്രിസിറ്റി അതോറിറ്റി ലൈൻമാൻ ദിനത്തോടനുബന്ധിച്ച് ഇന്ത്യയിലാകെയുള്ള 48 പവർ യൂട്ടിലിറ്റികളിൽ മികച്ച അഞ്ച് ലൈൻമാന്മാരിൽ ഒരാളായാണ് നസീറിനെ തെരഞ്ഞെടുത്തത്. അതോടൊപ്പം സെൻട്രൽ ഇലക്ടിസിറ്റി അതോറിറ്റി കേരളത്തിൽനിന്ന് ബെസ്റ്റ് ലൈൻമാനായും നസീറിനെ തെരഞ്ഞെടുത്തു.

കേന്ദ്ര ഊർജ സഹമന്ത്രിയിൽനിന്ന്‌ അദ്ദേഹം പുരസ്കാരം ഏറ്റുവാങ്ങി.വൈദ്യുതിമന്ത്രി കെ കൃഷ്ണൻകുട്ടി ഫോണിലൂടെ അഭിനന്ദനങ്ങൾ അറിയിച്ചു.