മഞ്ഞുമ്മൽ മുട്ടാർ റോഡ് വികസനം: കല്ലിട്ടുതുടങ്ങി

കളമശേരി

മഞ്ഞുമ്മൽ മുട്ടാർ റോഡ് വികസനത്തിനായി ഭൂമി ഏറ്റെടുക്കുന്നതിന് മുന്നോടിയായി കല്ലിട്ടുതുടങ്ങി. കരാറുകാരായ ക്രൗൺഡ് ഈഗിൾ സർവേ ജീവനക്കാരാണ് ഫാക്ട് കവലയിൽനിന്ന് കല്ലിട്ടുതുടങ്ങിയത്. ഫാക്ട് ട്രെയിനിങ് സ്കൂളിന് തെക്കോട്ടുള്ള ഭാഗത്താണ് കല്ലിടുന്നത്.

​റോഡിന് 15 മീറ്റർ വീതി കിട്ടുന്നരീതിയിലാണ് നിർമാണം. 1.5 കിലോമീറ്ററോളം കല്ലിട്ടുകഴിഞ്ഞു. 3.5 കിലോമീറ്റർ കല്ല് ഇടുന്നതിനാണ് കരാർ. ​മഞ്ഞുമ്മൽ മുട്ടാർ പാലംമുതൽ അയ്യൻകുളംവരെ റോഡിനായി നേരത്തേതന്നെ സ്ഥലം എടുത്തിട്ടുണ്ട്‌.