ദുർഭരണം തുറന്നുകാട്ടി കാഞ്ഞൂരിൽ കാൽനടജാഥ

കാലടി

യുഡിഎഫ് ഭരിക്കുന്ന കാഞ്ഞൂർ പഞ്ചായത്തിന്റെ കെടുകാര്യസ്ഥതയ്ക്കും അഴിമതിക്കും എതിരെ സിപിഐ എം കാഞ്ഞൂർ ലോക്കൽ കമ്മിറ്റി സംഘടിപ്പിച്ച കുറ്റവിചാരണ കാൽനടജാഥ ജില്ലാ കമ്മിറ്റി അംഗം സി കെ സലിംകുമാർ ഉദ്ഘാടനം ചെയ്തു. ജാഥാ ക്യാപ്റ്റൻ എ എ സന്തോഷ് അധ്യക്ഷനായി.

പാറപ്പുറത്ത് നടന്ന സമാപന സമ്മേളനം ഏരിയ സെക്രട്ടറി കെ പി റെജീഷ് ഉദ്ഘാടനം ചെയ്തു. വിവിധ സ്വീകരണ കേന്ദ്രങ്ങളിൽ കെ പി ബിനോയ്, ടി ഐ ശശി, പി അശോകൻ, കെ പി ഷാജി, എം ബി ശശിധരൻ, പി ജി അംബുജാക്ഷൻ എന്നിവർ സംസാരിച്ചു.