ദുർഭരണം ; ആവോലി, പായിപ്ര പഞ്ചായത്തുകൾക്ക്‌ കുറ്റപത്രം

മൂവാറ്റുപുഴ

യുഡിഎഫ് ഭരണസമിതികളുടെ അഴിമതിക്കും കെടുകാര്യസ്ഥതയ്ക്കും വികസനമുരടിപ്പിനുമെതിരെ ആവോലി, പായിപ്ര പഞ്ചായത്ത് ഓഫീസുകളിലേക്ക്‌ എൽഡിഎഫ് ജനകീയ മാർച്ചും കുറ്റപത്രസമർപ്പണവും നടത്തി. ആവോലി കവലയിൽനിന്ന് തുടങ്ങിയ ജനകീയ മാർച്ച് പഞ്ചായത്ത് ഓഫീസിനുമുന്നിൽ സമാപിച്ചു. സിപിഐ എം ജില്ലാ കമ്മിറ്റി അംഗം എൻ സി മോഹനൻ ഉദ്ഘാടനം ചെയ്തു. കെ ഇ മജീദ് അധ്യക്ഷനായി. സിപിഐ ജില്ലാ കമ്മിറ്റി അംഗം എൽദോ എബ്രഹാം കുറ്റപത്രസമർപ്പണം നടത്തി.

സിപിഐ എം ലോക്കൽ സെക്രട്ടറി സി കെ സോമൻ, സിപിഐ ലോക്കൽ സെക്രട്ടറി എം കെ അജി, പഞ്ചായത്ത് മെമ്പർമാരായ ഷാജു വടക്കൻ, രാജേഷ് പൊന്നുംപുരയിടം തുടങ്ങിയവർ സംസാരിച്ചു.

പേഴയ്ക്കാപ്പിള്ളി കവലയിൽനിന്ന് തുടങ്ങിയ ജനകീയ മാർച്ച് പായിപ്ര പഞ്ചായത്ത് ഓഫീസിനു മുന്നിൽ സമാപിച്ചു. ജനകീയ മാർച്ച് സിപിഐ ജില്ലാ സെക്രട്ടറി എൻ അരുൺ ഉദ്ഘാടനം ചെയ്തു. സിപിഐ ലോക്കൽ സെക്രട്ടറി കെ കെ ശ്രീകാന്ത് അധ്യക്ഷനായി. സിപിഐ എം ഏരിയ  സെക്രട്ടറി അനീഷ് എം മാത്യു കുറ്റപത്രസമർപ്പണം നടത്തി. സിപിഐ എം ഏരിയ കമ്മിറ്റി അംഗങ്ങളായ ആർ സുകുമാരൻ, വി ആർ  ശാലിനി, ലോക്കൽ സെക്രട്ടറിമാരായ ബാബു ബേബി, എം എ റിയാസ്ഖാൻ, ഒ കെ മുഹമ്മദ്, സിപിഐ ലോക്കൽ സെക്രട്ടറി കെ എ അനൂപ്, ടി വി ജോയി, സീന ബോസ്, ഇ എം ഷാജി തുടങ്ങിയവർ സംസാരിച്ചു.