നഗരസഭ ഭരണസ്തംഭനം: എൽഡിഎഫ് ധർണ നടത്തി

അങ്കമാലി

നഗരസഭ ഭരണസ്തംഭനത്തിനും പദ്ധതിവിഹിതം വെട്ടിക്കുറയ്ക്കലിനുമെതിരെ എൽഡിഎഫ്‌ നേതൃത്വത്തിൽ മുനിസിപ്പൽ ഓഫീസിനുമുന്നിൽ ധർണ സംഘടിപ്പിച്ചു.

ഡിവൈഎഫ്ഐ ജില്ലാ പ്രസിഡന്റ്‌ അഡ്വ. ബിബിൻ വർഗീസ് ഉദ്ഘാടനം ചെയ്തു. കൗൺസിലർ ബിജു പൗലോസ് അധ്യക്ഷനായി. സിപിഐ എം ഏരിയ സെക്രട്ടറി കെ പി റെജീഷ്, നേതാക്കളായ സജി വർഗീസ്, ഗ്രേസി ദേവസി, സച്ചിൻ ഐ കുര്യാക്കോസ്, ടി വൈ ഏല്യാസ്, വിനീത ദിലീപ് തുടങ്ങിയവർ സംസാരിച്ചു.