കതിർ സംയോജിതകൃഷി തുടങ്ങി

നെടുമ്പാശേരി

കേരള കർഷകസംഘം ആലുവ ഏരിയ കമ്മിറ്റിയുടെ നേതൃത്വത്തിൽ കതിർ സംയോജിതകൃഷിയുടെ ഭാഗമായി പുറയാർ ഗാന്ധിപുരത്ത് ആരംഭിച്ച കൃഷി സിപിഐ എം ജില്ലാ സെക്രട്ടറി എസ് സതീഷ് ഉദ്ഘാടനം ചെയ്തു.

കർഷകസംഘം ഏരിയ പ്രസിഡന്റ്‌ എ കെ തോമസ് അധ്യക്ഷനായി. ഏരിയ സെക്രട്ടറി പി ജെ അനിൽ, കെഎസ്-കെടിയു ഏരിയ സെക്രട്ടറി ഇ എം സലിം, ചെങ്ങമനാട് സഹകരണബാങ്ക് പ്രസിഡന്റ്‌ എം കെ അസീസ്, ലോക്കൽ സെക്രട്ടറി പി എ രഘുനാഥ്, കെ വി ഷാലി, സി ഗോപാലകൃഷ്ണൻ, ചെങ്ങമനാട് പഞ്ചായത്തംഗം ഗായത്രി വാസൻ എന്നിവർ സംസാരിച്ചു.

പഞ്ചായത്തിന്റെ കർഷക അവാർഡ് ജേതാവ് ശ്രീജിത് ഷാജിയെ കർഷകസംഘം ഏരിയ കമ്മിറ്റി അനുമോദിച്ചു. രണ്ടര ഏക്കർ സ്ഥലത്ത് വെണ്ട, വഴുതന, പച്ചമുളക്‌, പയർ, ചെണ്ടുമല്ലി എന്നിവയാണ് കൃഷി ചെയ്യുന്നത്.