ഭരണഘടനയുടെ ആമുഖം 
വീടുകളിലേക്ക് എത്തിക്കൽ തുടങ്ങി

ചോറ്റാനിക്കര

ഇന്ത്യൻ റിപ്പബ്ലിക്കിന്റെ എഴുപത്താറാം വാർഷികാഘോഷത്തിന്റെ ഭാഗമായി ലൈബ്രറി കൗൺസലിന്റെ നേതൃത്വത്തിൽ ഭരണഘടനയുടെ ആമുഖം വീടുകളിലേക്ക് എത്തിക്കുന്ന പ്രവർത്തനം ചോറ്റാനിക്കര പബ്ലിക് ലൈബ്രറിയിൽ ആരംഭിച്ചു. മാത്യു ചെറിയാന് ആമുഖത്തിന്റെ കോപ്പി കൈമാറി താലൂക്ക് ലൈബ്രറി കൗൺസിൽ പ്രസിഡന്റ്‌ എ കെ ദാസ് ഉദ്ഘാടനം ചെയ്തു. ടി വി ശിവൻ, സാജു ചോറ്റാനിക്കര, വി ചന്ദ്രമണി, ടി വി അരുൺ, വി എൻ ശിവരാജൻ, പി സി ജയചന്ദ്രൻ എന്നിവർ സംസാരിച്ചു.