ഭക്ഷ്യമേള സംഘടിപ്പിച്ച് വിദ്യാര്‍ഥികള്‍

കളമശേരി

കുസാറ്റ് ശാസ്ത്ര സമൂഹകേന്ദ്രത്തിൽ (സി-സിസ്) അവധിക്കാല ക്ലാസിനെത്തിയ വിദ്യാർഥികൾ ഭക്ഷ്യമേള സംഘടിപ്പിച്ചു. പലഹാരങ്ങൾ, പാനീയങ്ങൾ, പഴങ്ങൾ, മറ്റ് വിഭവങ്ങൾ എന്നിവ രുചിക്കാനും വിദ്യാര്‍ഥികളെ പ്രോത്സാഹിപ്പിക്കാനുമായി ക്യാമ്പസിലെ വിവിധ വകുപ്പുകളില്‍നിന്ന് ജീവനക്കാർ എത്തി.

​100 വിദ്യാർഥികൾ വിവിധ ഗ്രൂപ്പുകളിലായാണ് വിഭവങ്ങളൊരുക്കിയത്. അഞ്ചുമുതൽ പത്തുവരെ ക്ലാസുകളിൽ പഠിക്കുന്നവരാണ് അവധിക്കാല ക്ലാസിൽ പങ്കെടുക്കുന്നത്. കൂട്ടായ പ്രവർത്തനം, നേതൃഗുണം, പൊതുപണം കൈകാര്യം ചെയ്യൽ, സ്ഥിരോത്സാഹം തുടങ്ങിയവ കുട്ടികളെ പരിചയപ്പെടുത്തലാണ് ഭക്ഷ്യമേളകൊണ്ട് ലക്ഷ്യം വയ്‌ക്കുന്നതെന്ന് അധ്യാപകർ പറഞ്ഞു.​