ഇഎസ്ഐ ആശുപത്രിയില്‍ വന്‍ തീപിടിത്തം

മട്ടാഞ്ചേരി

ഫോര്‍ട്ട്കൊച്ചി ഇഎസ്ഐ ആശുപത്രിയില്‍ വന്‍ തീപിടിത്തം. ശനി രാത്രി പത്തോടെയാണ് തീപിടിത്തമുണ്ടായത്. ആശുപത്രിയുടെ ടെറസിൽനിന്ന് മരുന്നുകള്‍ സൂക്ഷിക്കുന്ന സ്റ്റോര്‍ റൂമിലേക്ക് തീപടരുകയായിരുന്നു. ഇത് മറ്റ് ഭാഗങ്ങളിലേക്കും പടർന്നു .

അഗ്നിരക്ഷാ സേനയുടെ അഞ്ച് യൂണിറ്റും നേവിയുടെ രണ്ട് യൂണിറ്റും എത്തിയാണ് തീ നിയന്ത്രണ വിധേയമാക്കിയത്. ഫോര്‍ട്ട്കൊച്ചി പൊലിസും സ്ഥലത്തെത്തി. ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. സമീപ പ്രദേശങ്ങളിലേക്ക് തീപടരാതിരുന്നതിനാല്‍ വന്‍ ദുരന്തമാണ് ഒഴിവായത്.