Employees' Association

കളമശേരി

സിൻഡിക്കറ്റിന്റെ നിയമവിരുദ്ധ നീക്കത്തിനെതിരെ കൊച്ചിൻ യൂണിവേഴ്സിറ്റി എംപ്ലോയീസ് അസോസിയേഷന്റെ നേതൃത്വത്തിൽ പ്രതിഷേധപ്രകടനവും പൊതുയോഗവും നടത്തി. അധികാരികൾ നിയമവിരുദ്ധമായ സസ്പെൻഷൻ തീരുമാനം പിൻവലിക്കണം എന്നും അല്ലാത്തപക്ഷം സർവകലാശാല സ്തംഭിപ്പിക്കുന്ന സമരപരിപാടികളുമായി മുന്നോട്ടുപോകുമെന്നും അസോസിയേഷൻ സെക്രട്ടറി ടി പി ജിതിൻ പറഞ്ഞു.

​വർഷങ്ങൾക്കുമുമ്പ് നടന്ന സ്വീപ്പർ നിയമനം അന്വേഷിച്ച വിജിലൻസ് റിപ്പോർട്ടിന്റെ മറവിൽ നടപടിക്രമങ്ങൾ പാലിക്കാതെയാണ് ഉന്നത ഉദ്യോഗസ്ഥരെ സർവീസിൽനിന്ന് സസ്പെൻഡ് ചെയ്തത്. സിൻഡിക്കറ്റിന്റെ ഈ നിയമവിരുദ്ധ നീക്കത്തിനെതിരെ കൊച്ചിൻ യൂണിവേഴ്സിറ്റി എംപ്ലോയീസ് അസോസിയേഷന്റെ നേതൃത്വത്തിൽ വരുംദിവസങ്ങളിൽ ശക്തമായ പ്രതിഷേധം സംഘടിപ്പിക്കും. സർവകലാശാല സ്തംഭിക്കുന്ന സമരപരിപാടികളുമായി മുന്നോട്ടുപോകുമെന്നും അസോസിയേഷൻ സെക്രട്ടറി പറഞ്ഞു. പ്രസിഡന്റ്‌ എ ജെ മെറിമോൾ, പി കെ പത്മകുമാർ എന്നിവർ സംസാരിച്ചു.