സിപിഐ എം വാട്ടർ 
അതോറിറ്റിക്കുമുന്നിൽ ധർണ നടത്തി

വൈപ്പിൻ

എളങ്കുന്നപ്പുഴ പഞ്ചായത്തിൽ വിവിധ പ്രദേശങ്ങളിൽ ആഴ്‌ചകളായി കുടിവെള്ളം ലഭിക്കുന്നില്ല. കുടിവെള്ളം ലഭിക്കാൻ അടിയന്തരനടപടികളും ക്രമീകരണങ്ങളും ഉണ്ടാക്കണമെന്നാവശ്യപ്പെട്ട്‌ സിപിഐ എം എളങ്കുന്നപ്പുഴ ലോക്കൽ കമ്മിറ്റിയുടെ നേതൃത്വത്തിൽ മാലിപ്പുറം വാട്ടർ അതോറിറ്റി ഓഫീസിനുമുന്നിൽ നടത്തിയ ധർണ ഏരിയ സെക്രട്ടറി എ പി പ്രിനിൽ ഉദ്ഘാടനം ചെയ്‌തു.

ലോക്കൽ കമ്മിറ്റി അംഗം എം എൻ രവീന്ദ്രൻ അധ്യക്ഷനായി. ഏരിയ കമ്മിറ്റി അംഗം കെ എസ് രാധാകൃഷ്ണൻ, ലോക്കൽ സെക്രട്ടറി ടി സി ചന്ദ്രൻ, ലോക്കൽ കമ്മിറ്റി അംഗങ്ങളായ എം എ പ്രസാദ്, കെ കെ അനിൽകുമാർ, പി പി സജീവ്, കെ ജെ ജ്യോതിഷ്, ആന്റണി ഡി ലൂയിസ്, വി കെ ലാലൻ എന്നിവർ സംസാരിച്ചു.