കുടിവെള്ള പദ്ധതി നിർമാണത്തിന്‌ തുടക്കം

കോലഞ്ചേരി

മഴുവന്നൂർ പഞ്ചായത്തിലെ ഒന്ന്, പത്ത് വാർഡുകൾ ഉൾപ്പെടുന്ന ഐരാപുരം നുസ്രത്ത് നഗറിലെ 48 കുടുംബങ്ങളുടെ കുടിവെള്ളക്ഷാമത്തിന് പരിഹാരമാകുന്നു. എംഎൽഎ ഫണ്ടിൽനിന്ന്‌ 25 ലക്ഷം ചെലവഴിച്ച്‌ നടപ്പാക്കുന്ന പദ്ധതിയുടെ നിർമാണോദ്ഘാടനം പി വി ശ്രീനിജിൻ എംഎൽഎ നിർവഹിച്ചു. ജോർജ് ഇടപ്പരത്തി, എസ് ശ്രീലക്ഷ്മി, ജബ്ബാർ തച്ചയിൽ, വി കെ അജിതൻ, പി വി ഐസക്ക്, കെ കെ ഗോപാലൻ, കെ എം അലി, നാസർ ഐരാപുരം എന്നിവർ സംസാരിച്ചു.