ഇന്ത്യ ടുഡേ റാങ്കിങ്ങിലും 
കുസാറ്റ് ഒന്നാമത്‌ ​

കളമശേരി

ഇന്ത്യയിലെ പ്രമുഖ മാധ്യമങ്ങളിലൊന്നായ ഇന്ത്യ ടുഡേ മാഗസിന്റെ 2025ലെ സർവകലാശാല റാങ്കിങ്ങിൽ കേരളത്തിലെ സർവകലാശാലകളിൽ ഒന്നാമതായി കൊച്ചി ശാസ്ത്രസാങ്കേതിക സർവകലാശാല (കുസാറ്റ്). കേന്ദ്ര-–സംസ്ഥാന സർക്കാരുകളുടെ ധനസഹായത്തിൽ പ്രവർത്തിക്കുന്ന രാജ്യത്തെ സർവകലാശാലകളിൽ ഏഴാംസ്ഥാനവും രാജ്യത്തെ മികച്ച സംസ്ഥാന സർക്കാർ സർവകലാശാലകളിൽ മൂന്നാംസ്ഥാനവും കുസാറ്റ് നേടി.

​അടുത്തിടെ പ്രഖ്യാപിച്ച എൻഐആർഎഫ് റാങ്കിങ്ങിലും കുസാറ്റ് വലിയനേട്ടം കൈവരിച്ചിരുന്നു. രാജ്യത്തെ മികച്ച സംസ്ഥാന സർക്കാർ സർവകലാശാലകളിൽ ആറാമതായ കുസാറ്റ്, മികച്ച 50 സർവകലാശാലകളുടെ പട്ടികയിൽ ഇടംനേടുകയും ചെയ്തിരുന്നു.