കാറ്റിൽ 
കൃഷി നശിച്ചു

പെരുമ്പാവൂർ

ശക്തമായ കാറ്റിൽ വ്യാപക കൃഷിനാശം. തോട്ടുവ ഷിജു പുണേലിയുടെ 2000 വാഴകൾ നിലംപതിച്ചു. 4000 വാഴകളാണ് ഷിജു കൃഷി ചെയ്തിരുന്നത്. മുടക്കുഴ ചുണ്ടക്കുഴിയിൽ കാലാക്കശ്ശേരി കെ എ സാബുവിന്റെ 700 കുലച്ച വാഴകളും കരോട്ടപുറം കെ വി സുകുമാരൻ, കൊച്ചാക്കൻ ജോയി, തളിക്കുളങ്ങര സിബി, വടക്കംതല വി പി രാജു, പൊറാട്ടക്കുടി കെ പി ജേക്കബ് എന്നിവരുടെ വാഴ, ജാതി എന്നിവയും നശിച്ചു.

ഞയറാഴ്ച കാറ്റിൽ വൈദ്യുതിത്തൂണുകൾ മറിഞ്ഞതിനാൽ പല സ്ഥലത്തും വൈദ്യുതിയും തടസ്സപ്പെട്ടു.