ബിഎസ്‌എൻഎൽ 
ജീവനക്കാർ ധർണ നടത്തി

കൊച്ചി

വിവിധ ആവശ്യങ്ങളുന്നയിച്ച്‌ ബി‌എസ്‌എൻ‌എൽ കോ–ഓർഡിനേഷൻ ജില്ലാ കമ്മിറ്റിയുടെ മൂന്നാംദിവസത്തെ ധർണ സിഐടിയു സംസ്ഥാന കമ്മിറ്റി അംഗം എം ജി അജി ഉദ്‌ഘാടനംചെയ്തു.

ഓൾ ഇന്ത്യ ബി‌എസ്‌എൻ‌എൽ ഡിഒഡി പെൻഷനേഴ്‌സ്‌ അസോസിയേഷൻ ജില്ലാ സെക്രട്ടറി പി ജനാർദനൻ അധ്യക്ഷനായി. ബി‌എസ്‌എൻ‌എൽ എംപ്ലോയീസ്‌ യൂണിയൻ ജില്ലാ സെക്രട്ടറി എം എൻ അരുൺകുമാർ, എൻ പി ഷിബു, സി എൽ സലീഷ്, രശ്മി രാമചന്ദ്രൻ, പി വി സുഭാഷ്, പി എസ്‌ പീതാംബരൻ, സി ബി ജയരാജ്‌ എന്നിവർ സംസാരിച്ചു.

ബിഎസ്‌എൻഎൽ ജീവനക്കാരുടെ ശമ്പളം പരിഷ്‌കരിക്കുക, പെൻഷൻ പരിഷ്കരണം നടപ്പാക്കുക, കരാർത്തൊഴിലാളികളുടെ പിരിച്ചുവിടൽ അവസാനിപ്പിക്കുക, മിനിമംവേതനം ഉറപ്പാക്കുക തുടങ്ങിയ ആവശ്യങ്ങളുന്നയിച്ചായിരുന്നു ധർണ.