ഗോപി കേട്ടേത്ത് നാട്യപ്രതിഭാ പുരസ്കാരം സമർപ്പിച്ചു ​

കളമശേരി

ബഹുമുഖപ്രതിഭയും നാടകപ്രവർത്തകനുമായിരുന്ന ഗോപി കേട്ടേത്തിന്റെ സ്മരണയ്ക്കായി വട്ടേക്കുന്നം സ്വതന്ത്ര ലൈബ്രറിയും കുടുംബവും ചേർന്ന്‌ ഏർപ്പെടുത്തിയ രണ്ടാമത് ഗോപി കേട്ടേത്ത് നാട്യപ്രതിഭാ പുരസ്കാരം നടി പ്രേമ രാജേന്ദ്രന് മന്ത്രി പി രാജീവ് സമ്മാനിച്ചു.

സ്വതന്ത്ര ലൈബ്രറി പ്രസിഡന്റ്‌ എ ആർ രതീശൻ അധ്യക്ഷനായി.

15,000 രൂപയും ഫലകവും അടങ്ങുന്നതാണ് പുരസ്കാരം. കെ എൻ ഗോപിനാഥ്, ഷാജി ജോർജ്‌ പ്രണത, എ കെ ദാസ്, സി ബി മുഹമ്മദാലി, കവിത കേട്ടേത്ത്, കെ വി ശ്രീജേഷ്, എം കെ കരീം, എൻ സുരൻ തുടങ്ങിയവർ സംസാരിച്ചു.