കലാമണ്ഡലം കേശവൻ 
പുരസ്‌കാരം സമ്മാനിച്ചു

കൊച്ചി

ഇടപ്പള്ളി കഥകളി ആസ്വാദകസദസ്സും കലാമണ്ഡലം കേശവന്റെ കുടുംബവും ചേർന്ന് ഏർപ്പെടുത്തിയ കലാമണ്ഡലം കേശവൻ പുരസ്കാരം യുവ ചെണ്ടകലാകാരൻ കലാമണ്ഡലം വേണുമോഹനന് കഥകളി ആസ്വാദകസദസ്സ് പ്രസിഡന്റ്‌ കെ എൻ കേശവൻ നമ്പീശൻ സമ്മാനിച്ചു. 10,001- രൂപയും കീർത്തിപത്രവും ഫലകവും അടങ്ങുന്നതാണ് പുരസ്കാരം. എൻ സുരേഷ് കീർത്തിപത്രം സമർപ്പിച്ചു.

കലാമണ്ഡലം സുഗന്ധി അനുസ്‌മരണ പ്രഭാഷണം നടത്തി. അപ്പുക്കുട്ടൻ സ്വരലയം, പി വി കൃഷ്ണൻ കുറൂർ, ടി ജി രവികുമാർ, എൻ ശശിധരൻ, ഡോ. പി അനിത എന്നിവർ സംസാരിച്ചു. തുടർന്ന് ബാലിവിജയം കഥകളി അരങ്ങേറി.