ഫെഫ്ക പിആര്‍ഒ യൂണിയന്‍: എബ്രഹാം ലിങ്കൺ പ്രസിഡന്റ്, അജയ് തുണ്ടതിൽ സെക്രട്ടറി

കൊച്ചി: മലയാള ചലച്ചിത്ര മേഖലയിലെ പിആർഓമാരുടെ കൂട്ടായ്മയായ ഫെഫ്ക പിആർഒ യൂണിയൻ്റെ പുതിയ ഭാരവാഹികളെ തെരഞ്ഞെടുത്തു. മാക്ട ഓഫീസിൽ നടന്ന ഭാരവാഹി തെരഞ്ഞെടുപ്പും വാർഷിക പൊതുയോഗവും ഫെഫ്ക ചെയർമാനും സംവിധായകനുമായ സിബി മലയിൽ യോഗം ഉദ്ഘാടനം ചെയ്തു.

എബ്രഹാം ലിങ്കണിനെ പ്രസിഡന്റായും അജയ് തുണ്ടത്തിലിനെ സെക്രട്ടറിയായും തെരഞ്ഞെടുത്തു. മഞ്ജു ഗോപിനാഥ് ആണ് ട്രഷറർ. ആതിര ദിൽജിത്ത് വൈസ്പ്രസിഡൻ്റായും പി ശിവപ്രസാദ് ജോയിൻ്റ് സെക്രട്ടറിയായും തെരഞ്ഞെടുത്തു. എക്സിക്യുട്ടീവ് കമ്മിറ്റിയംഗങ്ങളായി വാഴൂർ ജോസ്, സി കെ അജയ്കുമാർ, പ്രദീഷ് ശേഖർ, അഞ്ചു അഷറഫ്, ബിജു പുത്തുർ, റഹീം പനാവൂർ, എം കെ ഷെജിൻ ആലപ്പുഴ, പി ആർ സുമേരൻ എന്നിവരെയും തെരഞ്ഞെടുത്തു.