നീലേശ്വരത്ത് കെഎസ്ഇബി ജീവനക്കാർക്കുനേരെ ഗുണ്ടാ ആക്രമണം

നീലേശ്വരം: കാസർകോട് പടന്നക്കാട് കെഎസ്ഇബി ജീവനക്കാർക്കുനേരെ ​ഗുണ്ടാസംഘത്തിന്റെ ആക്രമണം. കൊട്രച്ചാൽ ജങ്ഷന് സമീപം തകരാറിലായ വൈദ്യുതിബന്ധം പുന:സ്ഥാപിക്കുന്നതിനെത്തിയ സബ് എഞ്ചിനിയർ ശശി ആയിറ്റി, ഓവർസിയർ ശ്രീജിത് കെ സി, ലൈൻമാൻ പവിത്രൻ എന്നിവർക്ക് നേരെയാണ് നാലം​ഗസംഘം ആക്രമണം നടത്തിയത്. ശ്രീജിതും ശശിയും ജില്ലാ ആശുപത്രിയിൽ ചികിത്സയിലാണ്.

സംഭവത്തിൽ ധനൂപ്, സുമിത്, ഷാജി എന്നിവരെ നിലേശ്വരം പൊലീസ് അറസ്റ്റ്ചെയ്തു. ഒരാൾക്കുവേണ്ടിയുള്ള തെരച്ചിൽ തുടരുകയാണ്.