രാജവെമ്പാലയെ പിടികൂടി

രാജപുരം പനത്തടി നെല്ലിത്തോടിൽ കൂറ്റൻ രാജവെമ്പാലയെ പിടികൂടി. നെല്ലിത്തോടിലെ രാജന്റെ വീട്ടിലെ വിറകുപുരയിൽനിന്നാണ് കഴിഞ്ഞദിവസം വൈകിട്ട് ആറോടെ രാജവെമ്പാലയെ പിടിച്ചത്‌. രാജന്റെ ഭാര്യ വിറകെടുക്കാൻ പോയപ്പോഴാണ് പാമ്പിനെ കണ്ടത്. വിവരമറിഞ്ഞെത്തിയ വനം വകുപ്പുദ്യോഗസ്ഥരായ സുമേഷ്, വി വിനീത്, പ്രകാശൻ, പ്രവീൺ എന്നിവരും സർപ്പ വളണ്ടിയർ റജിമോൻ പാണത്തൂരുമാണ് പാമ്പിനെ പിടികൂടിയത്.