എആർ ക്യാമ്പിൽ 
പൊലീസുകാരുടെ 
വിജയാഘോഷം

കാസർകോട്‌

യുഡിഎഫിന്റെ നിയമസഭാ തെരഞ്ഞെടുപ്പ്‌ വിജയം ആഘോഷിച്ച്‌ കാസർകോട്‌ എആർ ക്യാമ്പിലെ ഒരു സംഘം പൊലീസ്‌ ഉദ്യോഗസ്ഥർ. ആഘോഷം റീൽസ്സായി സാമൂഹ്യ മാധ്യമങ്ങളിലും ഇവർ പ്രചരിപ്പിച്ചു. ​റിസർവ് ഇൻസ്‌പെക്ടറെ കണ്ട് ഡ്യൂട്ടിയിടുന്ന നിലവിലുള്ള ഓഫീസർമാരെ മാറ്റാനും ഇവർ ആവശ്യപ്പെട്ടു. മാറ്റേണ്ടവരുടെ പട്ടികയും നൽകിയത്രേ. ​തുടർന്ന്‌ ത്രിവർണ പതാക ആലേഖനം ചെയ്‌ത കേക്ക് മുറിച്ച്‌ ആഘോഷം. കഴിഞ്ഞ ദിവസം രാവിലെയാണ്‌ ഒരു കൂട്ടം പൊലീസ് ഉദ്യോഗസ്ഥർ എആർ ക്യാന്പിൽ യുഡിഎഫിന്റെ തെരഞ്ഞെടുപ്പ്‌ വിജയം ആഘോഷിച്ചത്. പൊലീസുകാർ പരസ്യമായി ഒരു പാർടിയുടെ പ്രചാരണത്തിൽ ഏർപ്പെടുന്നത്‌ ചട്ടലംഘനമാണ്‌.