തോട്ടംതൊഴിലാളിക്ക്‌ പരിക്ക്‌

മണ്ണാർക്കാട്

കൈതച്ചിറയിലെ റബർ തോട്ടത്തിലെ തൊഴിലാളിക്ക്‌ കാട്ടുപന്നിയുടെ ആക്രമണത്തിൽ പരിക്കേറ്റു. കൈതച്ചിറ പുതുപറമ്പില് ആസിയ (57)ക്കാണ് പരിക്കേറ്റത്. ചൊവ്വ പകൽ ഒന്നോടെയാണ് ആക്രമണം. ആസിയ ഭക്ഷണം കഴിക്കാൻ പോകുമ്പോഴാണ് കാട്ടുപന്നിയിടിച്ചിട്ടത്. അപകടത്തിൽ കാലിന് പരിക്കേറ്റു. നിലവിളികേട്ട് ഓടിയെത്തിയ നാട്ടുകാർ ആസിയയെ മണ്ണാർക്കാട് സ്വകാര്യ ആശുപത്രിയിൽ പ്രവേശിപ്പിച്ചു.