പികെഎസ്‌ ഹെഡ് പോസ്റ്റ്ഓഫീസ്‌ മാർച്ച്

പാലക്കാട്‌

പട്ടികജാതി ക്ഷേമ സമിതി ജില്ലാ കമ്മിറ്റി നേതൃത്വത്തിൽ പാലക്കാട് ഹെഡ് പോസ്റ്റ്ഓഫീസിലേക്ക് നടത്തിയ മാർച്ച് സംസ്ഥാന വൈസ് പ്രസിഡന്റ്‌ കെ ശാന്തകുമാരി ഉദ്‌ഘാടനം ചെയ്തു. പട്ടികജാതി– -പട്ടികവർഗ വിഭാഗത്തിൽപ്പെട്ടവർക്കെതിരെയുള്ള ജാതിഅധിക്ഷേപങ്ങൾ പൊതുഇടങ്ങളിലാണെങ്കിൽ മാത്രമേ കുറ്റകരമാകൂവെന്ന സുപ്രീംകോടതി വിധി മറികടക്കാൻ കേന്ദ്ര സർക്കാർ ഭരണഘടനാ ഭേദഗതി കൊണ്ടുവരണമെന്ന് ആവശ്യപ്പെട്ടാണ്‌ മാർച്ച്‌ നടത്തിയത്‌. ജില്ലാ പ്രസിഡന്റ് ടി പി കുഞ്ഞുണ്ണി അധ്യക്ഷനായി. ജില്ലാ സെക്രട്ടറി ഒ വി സ്വാമിനാഥൻ, സംസ്ഥാന കമ്മിറ്റി അംഗം വി ഉഷ, കെ രാജൻ, ജില്ലാ ജോയിന്റ്‌ സെക്രട്ടറിമാരായ കെ പി ശ്രീനിവാസൻ, ബി സി അയ്യപ്പൻ, ജില്ലാ വൈസ് പ്രസിഡന്റുമാരായ എം മാധവൻ, രാധ പഴണിമല എന്നിവർ സംസാരിച്ചു.