പാലക്കാട്​ ഐഐടിയിൽ ‘ഹ്യൂമൻ 
ലൈബ്രറി’

പാലക്കാട്​

ഹ്യൂമൻ ലൈബ്രറി തയ്യാറാക്കാനൊരുങ്ങി പാലക്കാട്​ ഐഐടി. വംശം, മതം, ലൈംഗികത, തൊഴിൽ, സാമൂഹിക പദവി, ജീവിതശൈലി, ആരോഗ്യം, വൈകല്യങ്ങൾ എന്നിവയുൾപ്പെടെ സമൂഹത്തിലെ എല്ലാ മേഖലകളെയും അറിയുകയാണ്​ ലക്ഷ്യം. സാധാരണ ലൈബ്രറിയിൽനിന്ന്​ വ്യത്യസ്തമായി പുസ്​തകങ്ങൾക്ക്​ പകരം മനുഷ്യർ അവരുടെ അനുഭവകഥകൾ പറയും. അതത്​ ആളുകളുടെ അനുഭവങ്ങൾ ഉള്ളടക്കങ്ങളായി മുൻകൂട്ടി നൽകിയിട്ടുണ്ടാകും. പ്രത്യേകം തയ്യാറാക്കിയ ഹാളിൽ കേൾവിക്കാരന്​ താൽപ്പര്യമുള്ള കഥപറച്ചിലുകാരനെ തെരഞ്ഞെടുക്കാം. ഇങ്ങനെ പതിനഞ്ചോളം ഹ്യൂമൻ പുസ്​തകങ്ങളാണ്​ ഐഐടിയിൽ ഒരുക്കുന്നത്​. ഹ്യൂമൻ പുസ്​തകങ്ങളാകാൻ തയ്യാറുള്ളവർ​ അനുഭവങ്ങളുടെ വിവരണം [email protected] ൽ നൽകണം. 918547535880, 91 97460 74080 എന്ന വാട്​സ്​ആപ്​ നമ്പറിലും നൽകാം. തെരഞ്ഞെടുക്കുന്നവർക്ക്​ പരിശീലനമുണ്ടാകും.