ഹെൽത്ത് കെയർ ടൗൺഷിപ് ചെർപ്പുളശേരിയിൽ
പാലക്കാട്
സംസ്ഥാന സർക്കാരിന്റെ ഇന്വെസ്റ്റ് കേരള നിക്ഷേപ സൗഹൃദ ഉച്ചകോടിയില് ഹെല്ത്ത് കെയര് ടൗണ്ഷിപ് ‘ക്യാനിയോ ഹെല്ത്ത്’ ചെര്പ്പുളശേരിയില് നിർമാണം ഉടൻ ആരംഭിക്കും. ചൊവ്വാഴ്ച മന്ത്രി പി രാജീവ് കെട്ടിടത്തിന് കല്ലിടും. ഡിജിറ്റലായി സംയോജിപ്പിച്ച ആരോഗ്യ വിദ്യാഭ്യാസ കേന്ദ്രമാണ് ക്യാനിയോ ഹെല്ത്ത്. അഞ്ച് വര്ഷംകൊണ്ട് പൂര്ത്തിയാക്കും. 250 കിടക്കയുള്ള മള്ട്ടി സ്പെഷ്യാലിറ്റി ആശുപത്രിയിൽ പ്രസവ, പ്രസവാനന്തര ശുശ്രൂഷയ്ക്ക് 100 കിടക്കകൾ, 1100 വിദ്യാര്ഥികളെ ഉൾക്കൊള്ളാവുന്ന ബിഎസ്സി നഴ്സിങ്, ജിഎന്എം, പാരാമെഡിക്കല് കോഴ്സുകള് എന്നിവയുണ്ടാകും. സന്ദര്ശകര്ക്കായി ബൈസ്റ്റാന്ഡര് അപ്പാര്ട്ട്മെന്റും പദ്ധതിയിലുണ്ട്. ഫുഡ് കോര്ട്ട്, സൂപ്പര് മാര്ക്കറ്റ്, സ്റ്റാഫ് ഹോസ്റ്റല്, സ്പോര്ട്സ് കോംപ്ലക്സ് തുടങ്ങിയ അടിസ്ഥാന സൗകര്യങ്ങളും ഒരുക്കും. ഡോ. സുരേഷ് എച്ച് അദ്വാനിയാണ് ചെയർമാൻ. മാനേജിങ് ഡയറക്ടര് നജീബ് കാരോത്ത്കുഴി മൂസ, ഓഫീസ് ഹെഡ് അബി അൽത്താഫ്, ബിസിനസ് ഡെവലപ്മെന്റ് മാനേജർ അഹമ്മദ് എന്നിവർ വാര്ത്താസമ്മേളനത്തില് പങ്കെടുത്തു.
Tags
0 comments